الأرشيف الشهري: سبتمبر, 2013

كلّ ينتصر حسب مشروعه

لك وين طاحشين نحن بهالزحمة
مفكرين بشار الأسد خسر وهُزم من ورا ضرب هالطوبزة يلي عملو !؟
بالعكس ، بشار الأسد ربحان
قلتولي ليش؟
ليش هوي أصلاً شو مشروعو؟
شو مشروعو؟
مشروعو بكل بساطة “البقاء عالكرسي” فقط لاغير نقطة انتهى ، غير هيك مابيفهم ومابيهمو (شلون؟ و على حساب شو؟ و عن طريق مين؟ و شو الأسلوب؟ و مين بيقتل ؟ و طيط مين بيبوس ؟ كلو بالنسبة ألو مو مشكلة) ، وضرب هالطوبزة يلي عملو فعلاً ساعدو بالاستمرار بمشروعو !
نصر ده ولا مشر نصر يا متعلمين يا بتوع السياسة ؟
مع هيك جحش لازم نخشى كلّ شيء



المعارض بيلوم المؤيد وبيعمل متلو

عزيزي المعارض يلي كل ما انشق شي زبالة من زبالات النظام بينط ليفرجي كل حسناتو وبيطلع معو بقدرة قادر أنو هوي أصلاً كان منيح وشريف ونزيه ولم تتطلخ يداه وبينسى كل تاريخو الزبالة أيام لما كان عالكرسي وبينسى أنو لحتى قبل ما يسمع خبر انشقاقو بشوي كان معتبره فاسد ولاوطني ومجرم وشبيح وكلب من كلاب النظام!
هوي نفسو أخونا بتشوفه بيتذاكى وبيتمسخر عالمؤيد يلي كمان كل ما انشق شي زبالة من زبالات النظام بينط ليفرجي كل سيئاتو وبيطلع معو بقدرة قادر أنو هوي أصلاً كان سيء وفاسد وبينسى كيف كان يطبلّو ويزمّرلو لما كان عالكرسي وبينسى أنو لحتى قبل ما يسمع خبر انشقاقو بشوي كان معتبره بطل ووطني وشريف!
ازدواجية هي ولا مو ازدواجية يا متعلمين يا بتوع المدارس ؟!