الأرشيف الشهري: أغسطس, 2013

العقاب بس عالكيماوي

عن جد ما عاد في لا أسخف ولا أقرف ولا أتفه ولا أحطّ من يلي عم يصير هالأيام .. مشهد لطفلة بالمستشفى حالتها بالويل وموصولة بالأجهزة الطبية والمختص عم يفحصها ليتأكد أنو هالشي بسبب الكيماوي ولا لاء، مشهد دمار هائل والمختص حامل بأيدو جهاز عم يقيس فيه شي شغلة مشان يتأكد إذا بسبب الكيماوي ولا لاء، أنو إذا صايرة هالشغلات بسبب الكيماوي ففعلاً هية جرائم شنيعة كتير ولازم يُعاقب المجرم يلي ارتكبها أو تسبب بحدوثها بس إذا صايرة هالشغلات مو بسبب الكيماوي فعادي مو مشكلة يعني هية كمان جريمة بس المجرم بهالحالة ما لازمو معاقبة !!!!!



تقبّل الآخر شي والاقتناع برأيه شي تاني

فقط في الشرق الأوسط:
كونك ديمقراطي ومتقبّل للآخر يعني أن يطالبَك الآخر (المختلف معك في الرأي) بتبني آرائه والاقتناع بوجهات نظره لتثبت لمعاليه بأنك فعلاً ديمقراطي ومتقبّل للآخر !!
فقط في الشرق الأوسط: تقبّل الرأي الآخر = الاقتناع به !



الديمقراطية في الشرق الأوسط

فقط في الشرق الأوسط:
المطالبة بالديمقراطية تعني أن يكون الفريق الحاكم بالبلد مو عاجبك فبدك ينشال ويجي الطرف يلي بيعجبك ليستلم الحكم لحتى تكون هيك صارت الديمقراطية محققة بنظرك !! وطالما أن الحكم مانو بأيد الطرف يلي بيعجبك فالديمقراطية غير محققة، وما بتتحقق إلا لما تؤدي إلى وصول الطرف يلي بيعجبك إلى الحكم ! وقتها بس بتكون معاليك راضي عن وضع الديمقراطية في البلد !!