الأرشيف الشهري: يوليو, 2012

الكيل بمكيالين

ما كنت بعرف أنو من مهام الثورة الدعوة للإسلام !!!
بس عن جد غريب هالشرق الأوسط .. أنو بالزمانات قامت الدنيا وما قعدت لما كان في شك (شك ها) أنو عم يصير دعوة للمسيحية من قبل الجيش الأمريكي بالعراق !
على أساس أنو الجيش مو شغلتو يتدخل بإيمان الشخص و عقائدو المؤمن فيها .. هلا حلو هالحكي كتير ، بس طيب شمعنى حلال للجيش الحر يُؤَسلِم ويحتفل بالأسملة و حرام للجيش الأمريكي يُنَصّر !
وحتى غير هيك وخارج الجيوش .. شمعنى نشر أي دين غير الإسلام في أي دولة عربية (سوريا ، الأردن ، مصر .. الخ) يعتبر جريمة ، جريمة جريمة حقيقية ، بينما يُحتفل بالأسلمة و تعتبر انتصار و إنجاز !!




فرع الآبوجية

الأفرع الأمنية في سوريا كانت : الجنائية ، العسكرية ، السياسية ، الجوية
الأفرع الأمنية في الجزيرة السورية صارت : الجنائية ، العسكرية ، السياسية ، الجوية ، الآبوجية




اي وين التهمة يعني !؟

كل هالضجة و الهجوم على أحمد الحاج علي بس لأنو الزلمي بيّن بأحد اللقاءات عالتلفزيون خلال شهر رمضان الماضي عم يشرب مي !! طيب اي الزلمي مانو صايم يعني شو ألكن عند طيـ*و ؟؟ والله العظيم أنتو كمان بتجننوا !! يعني اي أنا معكن بانتقادو و الهجوم عليه وعلى طروحاتو و أفكارو و توجهو و آراءو و … الخ كلو هاد أكيد ، بس أنو يصير عدم صيامو برمضان كمان تهمة و قضية ينحكى فيها !!!
يعني متل لما بينط حدا و بيطالعلنا بشار أصلو يهودي !! ولك يا أخي انشالله يكون ملحد ، انشالله يكون بيعبد البقرة ، شو ألكن عند الزلمي !! لعما على هالقصة !! خلينا ننتقدو و ننتقد أفكارو و طريقتو بالحكم و نظامو و أداءو و جرائمو و …. الخ ، بس أنو يصير إيمان الزلمي الديني تهمة !!!