السوري يلي صارلو عشرات السنين بأوروبا

بينصحك عزيزي السوري يلي صارلو عشرات السنين بأوروبا أنك تنتبه قدام مين تحكي رأيك تحذيراً وخوفاً عليك من كتّيبة التقارير والمتعاملين مع الأمن من السوريين يلي بيشتغلوا هالشغلة حتى وهني بأوروبا وبيأكّدلك أنو ما تفكر حالك حتى إذا صرت بأوروبا يعني خلص نفدت وصرت حرّ وبيعطيك عشرات الأمثلة عن ناس تبهدلت وانداست وانشحطت واختفت بأول نزلة مطار لإلها بسوريا بسبب كلمة في حديث عابر.
بعدين هوي نفسو بعد شي نص ساعة من الحديث بيتساءل مستغرباً ومستنكراً أنو أخي الناس ليش عملت ثورة بسوريا!؟ شو كان ناقصها يعني وشو كان بدها بهالشغلة!؟
بالفعل! بطر خيو بطر شو بدك تعمل!