طاير عقل الممانعة بالتعاون مع الغرب!

أحلى شي لما المنحبكجي يقلك اي وهي أميركا والغرب عم ينسقوا مع السيد الرئيس مشان ضرب الإرهابيين.
اي صحيح هالحكي، مزبوط، فعلاً صار واضح هالشي وماضل في شك أنو الأميركان والغرب عم ينسقوا مع نظامك. صار واضح أنو التياب يلي صارلكن أنت ونظامك 4 سنين بدكن تلبسوها للمعارضة وللثورة (تياب التعامل مع أميركا والغرب) اليوم أنت ونظامك طاير عقلكن من الفرح بأنو طلعلكن تحطوا فردة قميص منها على جسمكن!