العقاب بس عالكيماوي

عن جد ما عاد في لا أسخف ولا أقرف ولا أتفه ولا أحطّ من يلي عم يصير هالأيام .. مشهد لطفلة بالمستشفى حالتها بالويل وموصولة بالأجهزة الطبية والمختص عم يفحصها ليتأكد أنو هالشي بسبب الكيماوي ولا لاء، مشهد دمار هائل والمختص حامل بأيدو جهاز عم يقيس فيه شي شغلة مشان يتأكد إذا بسبب الكيماوي ولا لاء، أنو إذا صايرة هالشغلات بسبب الكيماوي ففعلاً هية جرائم شنيعة كتير ولازم يُعاقب المجرم يلي ارتكبها أو تسبب بحدوثها بس إذا صايرة هالشغلات مو بسبب الكيماوي فعادي مو مشكلة يعني هية كمان جريمة بس المجرم بهالحالة ما لازمو معاقبة !!!!!