عشائر وقبائل !

مبروك .. اليوم ، إنشاء مجلس القبائل العربية السورية لدعم الثورة السورية !!
عم فكر أعملي شي مجلس أنا والشباب بالحارة لدعم الثورة والعمل على توحيد تيارات المعارضة وطرح وجهات نظرنا بالمستقبل السياسي للبلد …
لأ و الحلوة أنو قبل ما أسمع الخبر بـ5 دقايق كنت عم شوف عالقناة السورية مهزلة اسما “مؤتمر العشائر السورية” ، جايبين شوية شيوخ عشائر كل واحد أمّي بالزور يفك الحرف ، من جماعة العكل و الدقون و الثريد ، و قاعدين عم يحلوا و يربطوا و يحكوا باسم الشعب و يأكدوا أنن مع القيادة الحكيمة و مع حزمة الإصلاحات تبع القائد …
قلبت عالقنوات المغرضة ، طلعوا جماعتنا عاملين أضرب …
لك يعني أنو ماضل حدا خرج يشارك ببناء سوريا غير شيوخ العشائر !!! قلة مفكرين و ناس فهمانة ودارسة وواعية و مثقفة لحتى نضل نروح نجيب كم شيخ عشيرة ونخلين يحلوا و يربطوا !!